Ruta do porto

• Dar a coñecer a profesión de mariñeiro.
• Mostrar a evolución histórica dun porto de pesca artesanal.
• Introducir no coñecimento das distintas artes de pesca e marisqueo.
• Coñecimento dun dos xeitos de conservación do peixe.
• Distinguir os distintos tipos de embarcacións e as súas partes .
• Ensinar as actividades que se realizan nun porto.
• Comprender o funcionamento dunha lonxa.

  Podes ver un caderno de campo dunha visita a esta ruta..

Ruta do porto

Nas instalacións da Confraría de Lira darásevos a benvida. De seguido, trasladarémonos á caseta de Pepe de Cuco, unha antiga construción mariñeira rehabilitada na actualidade para albergar unha exposición sobre a historia do porto, artes de pesca e marisqueo e embarcacións tradicionais e conta co único encascadoiro que se pode visitar na actualidade en toda a Galicia.
A continuación dirixirémonos ás ruínas dun almacén de salgado onde explicaremos o proceso da salga e a súa importancia. Seguiremos ó longo do paseo, cunha parada na rampla vella para explicar as distintas partes dunha embarcación.
Camiñamos cara a rampla nova, onde falaremos cos mariñeiros e halaremos as nasas que previamente foron largadas. Daremos unha volta polo peirao para identificar as distintas instalacións, e ver in situ as artes de pesca máis utilizadas na actualidade.Por último, explicarase o funcionamento da lonxa e ralizaremos unha poxa á maneira tradicional e outra electrónica..

Podes ver un caderno de campo dunha visita a esta ruta.

Ruta do porto

• Manexo das nasas.
• Clasificación das especies capturadas nas nasas.
• Medición das distintas especies capturadas.
• Participación no pesado, clasificación e posterior poxa do polbo.

Podes ver un caderno de campo dunha visita a esta ruta.