Lira
é unha vila mariñeira situada no extremo sur da ría
de Corcubión, no comezo da Costa da Morte galega, nas terras do
concello de Carnota.
Sobre
un outeiro onde estivo situado un castro prerromano, o dos Miñarzos
repártense as casas de Lira polas abas dos montes repousando en
Portocubelo, porto aberto ás augas do Atlántico, fronte
ao cabo de Fisterra.
Á beiriña
do porto está a praia do Mar de Lira, que lle dá nome a
este proxecto, que, por iniciativa da Confraría de Pescadores de
Lira, quere buscar a dinamización dunha comunidade ata o de agora
dedicada en exclusividade á explotación dos recursos mariños
e que quere abrir novos horizontes á súa actividade tradicional,
botando man do tesouro de sabiduría mariñeira e de riqueza
natural e paisaxística que recibiu en herdanza.
Mardelira
oferta actividades a desenrolar no porto de Lira e arredores, dirixidas
ao público en xeral e a grupos de escolares, dirixidas á
toma de contacto co mundo do mar, no contexto real da actividade cotidiana
dun porto de pesca de baixura.
