A Confraría de Pescadores de Lira, no Concello de Carnota, provincia de A Coruña é unha corporación de dereito público, sen ánimo de lucro, dotada de personalidade xurídica e capacidade de obrar, para o cumplimento dos fins e o exercicio das funcións que lle están encomendadas, que actúa como órgano de consulta e colaboración coa administración na promoción do sector pesqueiro e representa os intereses económicos e corporativos dos profesionais do sector, de acordo cos principios de observancia da legalidade, transparencia contable e democracia na súa estructura interna e funcionamento.

O ámbito territorial da Confraría de Lira comprende dende Punta Insua ata a desembocadura do Río Larada.

Son funcións da Confraría as seguintes:

• Orientar ós seus membros sobre a aplicación derivada da aplicación da normativa concernente ó sector pesqueiro e en particular sobre axudas, subvencións, e programas establecidos pola Administración.
• Actuar como oficina pública para recepción, rexistro e tramitación de documentación dirixida á Administración.
• Promover actividades de formación dos profesionais nas actividades referidas á pesca.
• Servirlle como entidade de consulta á Administracióne elevarlle á mesma propostas de interese pesqueiro para a mellora das condicións da actividade pesqueira así como colaborar na elaboración de estadísticas e remisión de datos relativos á descarga e venda dos recursos mariños.
• Defender os intereses os profesionais, promovendo a creación de servicios sociais, culturais, etc, para os seus membros.
• Xestionar as áreas da zona que lle foi confiada e administrar e xestionar os bens patrimoniais que lles foron cedidos por calquera administración.
• Responsabilizarse da vixilancia das zonas que lle foron confiadas e administrar os propios recursos e patrimonio.
• Promover a execución de plans de capturas, concentrar a oferta e regularizar os prezos.
• Establecer os plans de producción e comercialización co fin de mellorar a calidade dos productos e adaptar o volume da oferta ás esixencias do mercado.
• Fomentar o movemento asociativoe prestar servicios de caracter xeral ós socios.
• Promover o recoñecemento social da profesión de pescador mediante a divulgación da cultura mariñeira, difusión do coñecemento da actividade pesqueira e o fomento das actividades turísticas e de lecer vinculadas á pesca e o mar, dirixidas tanto a propia comunidade pescadora como a sociedade en xeral.